Мелоксикам-ртф 15 мг № 20 табл
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Мелоксикам-ртф 15 мг № 20 табл

Қолжетімділігі
Тауар қолда жоқ
Үлгі
4030096108508
Елі
Индия
Өндіруші
Ратиофарм
  • Сипаттама

Сипаттама

Дәрілік затты медициналық қолдану

жөніндегі нұсқаулық

Мелоксикам-ратиофарм

Саудалық атауы

Мелоксикам-ратиофарм

Халықаралық патенттелмеген атауы

Мелоксикам

Дәрілік түрі

7,5 және 15 мг таблеткалар

Құрамы

Бір таблетканың құрамында

белсенді зат -7,5 және 15 мг мелоксикам

қосымша заттар: жүгері крахмалы, желатинделген крахмал (крахмал 1500),

коллоидты кремний ангидриді, натрий цитраты, лактоза моногидраты, микрокристалды целлюлоза, магний стеараты

Сипаттамасы

Дөңгелек пішінді, қабықсыз жалпақ кертілген, бір жақ бетінде орталық сындыру сызығы бар және екінші жағы тегіс бозғылт-сары түсті таблеткалар.

Фармакотерапиялық тобы

Сүйек-бұлшықет жүйесі.

Қабынуға қарсы және ревматизмге қарсы препараттар.

Қабынуға қарсы және ревматизмге қарсы стероидты емес препараттар. Оксикамдар. Мелоксикам.

АТХ коды M01AC06

Фармакологиялық қасиеттері

Фармакокинетикасы

Ішке қабылдағаннан кейін мелоксикамның биожетімділігі шамамен 89% құрайды. Плазмада ең жоғары концентрациясына ішу арқылы қабылдағаннан кейін 5-6 сағаттан соң жетеді. Тамақтану мелоксикамның сіңірілу жылдамдығына және мөлшеріне әсер етпейді. Мелоксикам плазма ақуыздарымен байланысады (99%). Мелоксикам едәуір дәрежеде бауырмен метаболизденеді, метаболиттер түрінде бірдей үлесте несеппен және нәжіспен шығарылады. Орташа жартылай шығарылу уақыты 20 сағатқа жуықты құрайды. Плазмадағы жалпы клиренсі 8 мл/мин құрайды.

Фармакодинамикасы

Мелоксикам-ратиофарм – бұл қабынуға қарсы, ауыруды басатын және ыстықты түсіретін қасиеттері бар оксикамдар тобындағы қабынуғақарсы стероидты емес дәрі (ҚҚСД). Әсер ету механизмі циклооксигеназа (ЦОГ-2) ферментативті белсенділігі бәсеңдеуі нәтижесінде простагландиндер биосинтезінің төмендеуімен байланысты.

Қолданылуы

Симптоматикалық ем:

- остеоартрозды қысқа мерзімді емдеуде

- ревматоидты артритте

- шорбуынданған спондилитте

Қолдану тәсілі және дозалары

Таблетканы сумен немесе басқа сусынмен ішіп, тамақтану кезінде ішке қабылдайды.

Остеоартроз: доза күніне 7,5 мг құрайды. Егер жеткілікті жақсаруы байқалмаса, дозаны күніне 15 мг дейін арттыруға болады.

Ревматоидты артрит, шобуынданған спондилит: Доза күніне 15 мг құрайды. Емнің тиімділігіне байланысты доза күніне 7,5 мг дейін төмендетілуі мүмкін.

Егде пациенттерде және жағымсыз әсерлерінің жоғары қаупі бар пациенттерде: ревматоидты артритте немесе шорбуынданатын спондилитте емдеуге ұсынылатын дозасы күніне 7,5 мг құрайды.

Бүйрек жеткіліксіздігі: диализде жүрген ауыр бүйрек жеткіліксіздігі бар пациенттерде доза күніне 7,5 мг аспауы тиіс. Бүйрек жеткіліксіздігі орташа (креатинин клиренсі 25 мл/мин астам) пациенттерде дозаны азайту қажет етілмейді.

Жағымсыз әсерлері

Жиі

- бас айналуы, бас ауыруы

- анемия

- диспепсия, жүрек айнуы, құсу, кекіру, іштің ауыруы, диарея, іштің қатуы, метеоризм

- тері қышынуы, тері бөртпесі

- аяқтың ісінуін қоса алғандағы ісіну

Кейде

- вертиго, құлақтың шуылдауы, ұйқышылдық, сананың шатасуы, бағдар бұзылыстары, эмоционалды тұрақсыздық

- жүрек қағысының жиілеуі, қан қысымының жоғарылауы, қан кернеулері

- стоматит, эзофагит, асқазан-ішектен қан кетулер, асқазанның және он екі елі ішектің ойық жарасы

- есекжем

- бауырфункциясы көрсеткіштерінің (транасминазалардың, билирубиннің ұлғаюы) креатинин, мочевинаның өтпелі өзгерістері

- лейкопения, тромбоцитопения, агранулоцитоз

Сирек

- сананың шатасуы, көңіл-күй ауытқуы, ұйқысыздық, түнгі қорқыныштар

- көрудің бұзылуы, конъюнктивит

- гепатит

- асқазан-ішек тесілуі, гастрит, колит

- анафилаксиялық/анафилактоидты реакциялар, есекжем, буллёзді реакциялар, Стивенс-Джонсон синдромы, уытты эпидермальді некроз, экссудативті көп формалы эритема, фотосенсибилизация

- демікпе ұстамалары (ацетилсалицил қышқылына және басқа да ҚҚСП аллергиясы бар пациенттерде)

- бүйрек жеткіліксіздігі, интерстициальді нефрит, гломерулонефрит, нефроздық синдром, бүйрек функциясы көрсеткіштерінің өзгеруі (креатинин, мочевина деңгейінің жоғарылауы, альбуминурия, гематурия), несептің жедел іркілісі, несеп шығарудағы қиналыстар

Белгісіз

  • панкреатит

Қолдануға болмайтын жағдайлар

  • мелоксикамға немесе басқа да компоненттердің біріне немесе ацетилсалицил қышқылын қоса, басқа да ҚҚСП жоғары сезімталдық
  • пациенттер ацетилсалицил қышқылын немесе басқа да ҚҚСП қабылдаудан кейін демікпе, ангионевроздық ісіну немесе есекжем белгілері дамыған пациенттерге мелоксикамды беруге рұқсат етілмейді
  • коронарлық шунттау операциясынан кейінгі ауыру синдромы
  • асқазан-ішек жолдарындағы белсенді ойық жаралар немесе анамнезде қайталанатын асқазан-ішек жолы ойық жараларының болуы, перфорациялар
  • бауырдың ауыр жеткіліксіздігі
  • бүйректің ауыр жеткіліксіздігі
  • асқазан-ішектен қан кету, цереброваскулярлы қан кетулер немесе өзге да қан кетуге жоғары бейімділік
  • ауыр жүрек жеткіліксіздігі
  • өршу сатысындағы ішек қабыну аурулары (Крон ауруы, спецификалық ойық жаралы колит)
  • жүктілік және бала емізу
  • 18 жасқа дейінгі балалар мен жасөспірімдер
  • галактозаны көтере алмаушылық, Лапп лактаза тапшылығы немесе глюкоза-галактоза мальабсорбциясы

Дәрілермен өзара әрекеттесуі

Сақтықты талап ететін біріктірулер

- бірнеше ҚҚСП бір мезгілде қабылдау асқазан-ішек ойық жаралары мен қан кетулер қаупін арттыруы мүмкін

- кортикостероидтар – қан кету қаупі

- антикоагулянттар, тромболитикалық дәрілер және тромбоциттер агрегациясын басуға арналған дәрілер: қан кету қаупінің жоғарылауы

- серотонинді кері қармайтын селективті тежегіштері – қан кету қаупі

- диуретиктер, АӨФ тежегіштері, антигиотензин II антагонисі – бүйрек жеткіліксіздігіне, әсіресе сусызданған пациенттерде, әкелуі мүмкін. Сұйықтықпен талапқа сай қамтамасыз етіп, бүйрек функциясын тексеру керек.

- басқа да гипертензияға қарсы дәрілер - гипертензияға қарсы әсері төмендейді

- циклоспорин, такролимус – циклоспориннің нефроуыттылығы күшейеді

- литий - литий бөлінуінің азаюы мүмкін. Егер литий тұзы енгізілсе, сарысуындағы литий концентрациясын мұқият бақылап отыру қажет.

- метотрексат – мелоксикам метотрексаттың гематологиялық уыттылығын күшейтуі ықтимал, цитопенияның бейімдеуші факторы болуы мүмкін

- холестирамин – мелоксикамның шығарылуын 50%-ға жылдамдату

Антацидті дәрілерді, циметидинді, дигоксинді бір мезгілде қабылдағанда клиникалық мәнді өзара әрекеттесулері байқалмаған.

Айрықша нұсқаулар

Егде пациенттерде, антикоагулянтты ем қабылдайтын пациенттерде сақтықпен қолдану керек.

Фертильділігі

ЦОГ немесе простагландиндер синтезін тежейтін кез келген басқа препараттар сияқты, мелоксикамды пайдалану ұрықтануға қабілеттілікті бұзуы мүмкін және жүкті болуға ниеттеніп жүрген әйелдерге ұсынылмайды. Мелоксикам овуляцияны кідіртуі мүмкін. Осыған байланысты ұрықтануға қабілеттілігі бұзылған немесе осы бұзылуларға қатысты тексеріліп жүрген әйелдерде мелоксикам қабылдауды тоқтатқан жөн.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Жол қозғалысына белсенді қатысуға немесе машинамен қызмет көрсету қабілеті бұзылуы мүмкін.

Артық дозалануы

Симптомдары: ұйқышылдық, жүрек айнуы, құсу, асқазанның ауыруы, асқазан-ішек жолынан қан кету, қан қысымның жоғарылауы, бүйрек жеткіліксіздігі, бауыр функциясының бұзылуы, тыныс алудың бәсеңдеуі, кома, құрысулар, жүрек-тамыр коллапсы, анафилактоидты реакциялар.

Емі: симптоматикалық ем, күніне 3 рет 4 г холестираминді қабылдау мелоксикамның шығарылуын жиілетеді.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.

2 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецепт арқылы

Өндіруші

«Cipla Ltd», Мумбай, Үндістан, шығарылу сериясы – «Меркле ГмбХ», Ульм, Германия

Тіркеу куәлігінің ұстаушысы

«ратиофарм ГмбХ», Ульм, Германия

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғылы 17/1, Нұрлы тау БО, 5Б, 6 қабат. Телефон: (727)3251615; е-mail: safety.kazakhstan@tevapharm.com; веб сайт: www.teva.kz